Іле ауданы прокуратурасы Төтенше жағдайлар бөлімі және Полиция басқармасымен бірлесіп «Қауіпсіз демалыс» профилактикалық рейдтік іс-шарасын өткізді. Рейдтік іс-шаралар барысында шомылуға тыйым салынған су айдындарында қауіпсіздік талаптарын бұзған азаматтар, оның ішінде кәмелетке толмағандар анықталды. Демалушылармен түсіндіру жұмыстары жүргізілді. Анықталған құқық бұзушылықтар бойынша кінәлі тұлғалар Қазақстан Республикасы Әкімшілік құқық бұзушылық туралы кодексінің 412-бабы бойынша әкімшілік жауапкершілікке тартылып, айыппұл салынды. Балалардың қауіпсіздігін қамтамасыз ету және жазғы демалыс кезеңінде жазатайым оқиғалардың алдын алу бағытындағы жұмыстар алдағы уақытта да жалғасатын болады. #Заң_мен_тәртіп