Қазіргі таңда алаяқтар азаматтардың электрондық цифрлық қолтаңбасын (ЭЦҚ)

заңсыз пайдалану арқылы түрлі қылмыстар жасап жатыр. Көп жағдайда адамдар өздерінің деректерін білместен бөгде адамдарға беріп қояды. Соның салдарынан олардың атына несие рәсімделуі немесе жалған компаниялар ашылуы мүмкін.

Алаяқтар:

* ЭЦҚ кілтін немесе SMS-кодтарды сұрайды;

* Өздерін банк, мемлекеттік орган немесе полиция қызметкері ретінде

таныстырады;

* Күмәнді сілтемелер жіберіп, жеке мәліметтерді енгізуді талап етеді;

* Телефон арқылы қорқытып немесе асықтырып әрекет жасатады.

Есіңізде болсын:

* ЭЦҚ — сіздің жеке қолтаңбаңыз. Оны ешкімге беруге болмайды.

* SMS-кодтар мен құпиясөздерді бөгде адамдарға айтуға тыйым салынады.

* Белгісіз сілтемелерге өтпеңіз және күмәнді қосымшаларды жүктемеңіз.

* Қандай да бір операция жасамас бұрын ресми ақпаратты тексеріңіз.

Егер сіздің атыңызға рұқсатсыз несие рәсімделсе немесе күмәнді әрекеттер байқалса, дереу банкке және құқық қорғау органдарына хабарласыңыз.

Қаржылық қауіпсіздік — әр азаматтың жауапкершілігі.

Сақ болыңыз және жеке деректеріңізді қорғаңыз!