Боралдай аудандық ауруханасы сіздің денсаулығыңызға қамқорлық жасайды және қан қысымы кенеттен көтерілген жағдайда алғашқы көмек көрсетудің маңызды ережелерін еске салады.

1. Артериялық қан қысымын өлшеу. Өлшеу нәтижелерін және уақытын міндетті түрде жазып алыңыз.

2. Дәрі-дәрмектерді қабылдау. Егер дәрігер тағайындаған препараттар болса, оларды қабылдаңыз. Өз бетіңізше емделуге болмайды!

3. Демалу және тынышталу. Жаттығуды тоқтатып, қисайып жатыңыз. Бөлмеге таза ауа кіруін қамтамасыз етіп, мазасыздықты жойыңыз.

4. Тұз бен кофеинді шектеу. Тұзды тұтынуды азайтыңыз, кофеден, алкогольден және темекі шегуден бас тартыңыз.

5. Жағдайды бақылау. Қан қысымын жүйелі түрде өлшеп, күнделік жүргізіңіз.

6. Ауыр симптомдар байқалғанда жедел жәрдем шақырыңыз (103/112). Егер қатты бас ауруы, жүрек айну, құсу, ентігу немесе кеудедегі ауырсыну сезілсе, уақыт жоғалтпай дәрігер шақырыңыз.

Денсаулығыңызға жауапкершілікпен қараңыз. Біз сіздер үшін әрқашан байланыстамыз!